مقدمة صغيرة هدفها وضعكم في السياق, و إلا لن تفهموا شيئا صدقوني
هذه المدونة هي بمثابة الركن الشخصي لي أنا, هيكا كلها غبرة و موش كاملة, مخلوق تونسي يكره كلمة أنا لذا سأحاول الإيجاز
جمعة أخرى و نعمل عشرين سنة, توجهي السياسي إخوانجي
بلاش هجوم يعيشكم, راهو عندي الحق باش نكتب من البيبلينات و كل شيء <أوش, خطة ممولة من السعودية و إيران الأعداء اللي صحاب كان مع النهضة لإحتلال البلوغوسفير غاق غاق غاق غاق> هههه. صديق ليا شجعني باش نقتحم التدوين و نوصلوا صوتنا وزيد مافما شيء يمنع الخوانجية من التدوين لا؟ ماكم شجعان وما تخوفكمش الضبابية و تجار الدين, أيا ذراعك يا علاف.
مسكينة الجمعية و إلا النقابة اللي ندخلوا فيها تولي فيسع وراها أطراف سياسية, و نعرف نقابة مشهورة حاطة في بندها الثاني من قانونها "التصدي للفكر الرجعي و السلفي و الإرهابي" و يعرفوا رواحهم لذا بدل الموضوع
<تكره النساء>
كان تحب تعيش مرتاح قول يعيش النساء
الله يعيش النسااااء ههههههههه
نكره كان اللي ماتفهمش راهي موش وحدها في الدنيا, واللي مادة وجهها مع كليماتيزور و إلا راديو في الإشهارات تتبسم و تظهر في جمالها علينا. باللاهي شنيا الرابط المنطقي بين مرأة و بين كليماتيزور, اللهم يلعبوا على غرائزنا؟
لذا يا بورجوازية, مانيش يساري أما نكرهكم و أعرفوا فاش يستنى فيكم
<فكر ظلامي قروسطي غاق غاق نهضة غاق>
أي أي خلي نمشي, أما ممكن يفيدكم تعرفوا راني ما تولدتش نهضاوي أما وليت نصلي ليا عامين و تخونجت وحدي وحدي ليا عام, و بديت نعيط على بن علي في الكيران ليا عام زادا أما حكاية أخرى
. كيما ريتو السياسة خذات وقاعده تاخو حيز كبير من إهتماماتي
أنا نعرّف روحي كشخص ذو مبادئ و يحب يعمل من أجل تحقيقها, و نتلهى بمواضيع "جدية و كبي" لذا كان تلوج عالكورة و القهاوي و اللامبورغيني و الحرقة لبرى (ولو كنت حارق بفخامة تب تقرى و تسكن في ألمانيا) و البنات غالط في العنوان.
ممكن الموضوع اللي موش جدي و نحبو هو ألعاب الفيديو
<عبد قرى عليهم و مالعبهمش: مدمن يحب العنف مازال صغير غاق غاق> خير مالسيجارو يا أخ, و في العنف كعبة لا نعرف كان نتظاهر و نعيط موش كيما شباب حزب العمال (بالرسمي, في فكرهم تلقى برشى تنظيم و إنضباط, أحنا عنا حوايج معطلة لدرجة واحد قالي "كفوا عن محاولة إضفاء إسم إسلامي على كل شيء")ا
متخصص في الإعلامية, نحب التاريخ, مغروم بحاجة إسمها أسلحة (أما نكره الجيش) مللخر متععد المواهب هههه
وكان مالاحظتوش, قوي في الإيجاز
أيا نخليكم, سلام
بلاش هجوم يعيشكم, راهو عندي الحق باش نكتب من البيبلينات و كل شيء <أوش, خطة ممولة من السعودية و إيران الأعداء اللي صحاب كان مع النهضة لإحتلال البلوغوسفير غاق غاق غاق غاق> هههه. صديق ليا شجعني باش نقتحم التدوين و نوصلوا صوتنا وزيد مافما شيء يمنع الخوانجية من التدوين لا؟ ماكم شجعان وما تخوفكمش الضبابية و تجار الدين, أيا ذراعك يا علاف.
مسكينة الجمعية و إلا النقابة اللي ندخلوا فيها تولي فيسع وراها أطراف سياسية, و نعرف نقابة مشهورة حاطة في بندها الثاني من قانونها "التصدي للفكر الرجعي و السلفي و الإرهابي" و يعرفوا رواحهم لذا بدل الموضوع
<تكره النساء>
كان تحب تعيش مرتاح قول يعيش النساء
الله يعيش النسااااء ههههههههه
نكره كان اللي ماتفهمش راهي موش وحدها في الدنيا, واللي مادة وجهها مع كليماتيزور و إلا راديو في الإشهارات تتبسم و تظهر في جمالها علينا. باللاهي شنيا الرابط المنطقي بين مرأة و بين كليماتيزور, اللهم يلعبوا على غرائزنا؟
لذا يا بورجوازية, مانيش يساري أما نكرهكم و أعرفوا فاش يستنى فيكم
<فكر ظلامي قروسطي غاق غاق نهضة غاق>
أي أي خلي نمشي, أما ممكن يفيدكم تعرفوا راني ما تولدتش نهضاوي أما وليت نصلي ليا عامين و تخونجت وحدي وحدي ليا عام, و بديت نعيط على بن علي في الكيران ليا عام زادا أما حكاية أخرى
. كيما ريتو السياسة خذات وقاعده تاخو حيز كبير من إهتماماتي
أنا نعرّف روحي كشخص ذو مبادئ و يحب يعمل من أجل تحقيقها, و نتلهى بمواضيع "جدية و كبي" لذا كان تلوج عالكورة و القهاوي و اللامبورغيني و الحرقة لبرى (ولو كنت حارق بفخامة تب تقرى و تسكن في ألمانيا) و البنات غالط في العنوان.
ممكن الموضوع اللي موش جدي و نحبو هو ألعاب الفيديو
<عبد قرى عليهم و مالعبهمش: مدمن يحب العنف مازال صغير غاق غاق> خير مالسيجارو يا أخ, و في العنف كعبة لا نعرف كان نتظاهر و نعيط موش كيما شباب حزب العمال (بالرسمي, في فكرهم تلقى برشى تنظيم و إنضباط, أحنا عنا حوايج معطلة لدرجة واحد قالي "كفوا عن محاولة إضفاء إسم إسلامي على كل شيء")ا
متخصص في الإعلامية, نحب التاريخ, مغروم بحاجة إسمها أسلحة (أما نكره الجيش) مللخر متععد المواهب هههه
وكان مالاحظتوش, قوي في الإيجاز
أيا نخليكم, سلام
